Bertan, erregistrorako formularioa beteko dugu eskatzen dizkiguten datuekin (ez dute zertan benetakoak izan). Benetan garrantzitsua orrialdeak emango digun posta-helbidea eta pasahitza (password) gogoan hartzea da, horri esker sartu ahal izango baitugu gure “postontzian”.

Erregistro-orria behin baino ez dugu bete behar, gure kontua eskuratu ahal izateko. Ondoren, Internet duen edozein ordenagailutatik iritsi ahal izango dugu bertara, gure helbidea eta gure pasahitza idatzitakoan, eta Hotmailek guretzat gorderik duen postontzira sartu ahal izango dugu.