Ikasturtean sarritan hitz egin dugu posta elektronikoari buruz, izan ere, horixe baita Interneteko erabiltzaileek gehien erabiltzen duten zerbitzua, bai banakoek bai enpresek.

Hala ere, gutxi dira posta erabiltzean nolabaiteko arauak edo arreta kontuan hartzen dutenak. Baliteke orain ez sinestea, baina berehala konturatuko zara mezu elektronikoa bidaltzea erraza eta azkarra denez, sarritan ahaztu egiten ditugula heziketa-arau xume batzuk.

Netiquette berbak (Sareko etiketa) sareen sarean egoki portatzeko arau-multzoa hartzen du. Ondokoak posta elektronikoa erabiltzean aplikatzeko arauetako batzuk dira:

• Igorlea eta hartzailea argi identifikatzea
  Etxe edo bulego batean, gerta liteke ordenagailu eta kontu bera pertsona askok erabiltzea, beraz:
  

  -Mezua nori zuzendurik dagoen idatzi behar dugu. -Mezua izenpetu egin behar dugu. Kontuan hartu ez dela batere atsegina norena den ez dakigun mezu bat jasotzea, eta posta elektronikoko helbide bat ez da oso izen adierazgarria.

  
  

• Pribatutasuna
  Mezua ez da dirudiena bezain pribatua. Kontu handiz zaindu behar dugu zer idazten dugun, beste pertsona batzuek ere irakur dezakete eta.