|
| |
Ikus dezakezunez badira aldeak, baina
gutxi gorabeherako ideia egin ahal izateko, betiko postarekin alderatuko
dugu.
Gogoan al dituzu Internet
zerbitzariak? Funtsezkoak dira mezuak gure ordenagailura nola
iristen diren ulertzeko.
Mundu osoan banaturik daude posta elektronikoa jaso eta bidaltzeko
gai diren ordenagailuak. Posta-bulego modukoak dira, hartzen dituzten
mezuak banatzeaz arduratzen dira. |
|
Lehengusuari (New
Yorkekoari) mezua bidaltzen diogunean, hark ez du zuzenean jasotzen,
baliteke ordenagailua itzalirik ere edukitzea. Gure ordenagailuak
gure posta zerbitzariari bidaltzen dio mezua, hau da, gure auzoko
posta-bulego moduko bat. Zerbitzari horrek lehengusuaren
posta zerbitzaria bilatuko du (hau da, haren auzoko posta-bulegoa).
Baina, nola daki zein den? Erraz, lehengusuaren posta helbideari
esker:
|
...eta mezua ematen dio.
Lehengusuaren (Ringo deituko dugu) posta zerbitzariak bere disko gogorrean
harentzat gorderiko lekua du. Ringoren posta kutxatila izango litzatekeena.
Ringo etxera iritsi da lanaren ondoren. Ordenagailua piztu, posta
elektronikoko programa zabaldu eta mezuak jasotzen ditu. |
|
|
|
