60ko hamarkadaren hasieran, Estatu Batuak Sobietar Batasunaren aurkako “gerra hotzean” murgildurik daude. Militar amerikarrek, orduan, beren ordenagailuak elkarri konektatu eta informazioa erraz, arin eta seguru igortzeko sistema bat asmatu zuten, bai eta ordenagailuak eraso batean suntsituko balituzte ere. Horrela sortu zen 1969an ARPANET, zientzialari, unibertsitate eta bestelako erakundeen laguntzarekin.

Aldi berean, beste sare independente batzuk ere garatu ziren, 1980an ARPANETi atxiki eta Internet izango zenaren hazia sortu zutenak. Sistema horren xedea, informazioa partekatu, arazoak konpondu, berriak hedatu, ezagupenak zabaldu, etab. lortzea zen.